السلام عليكم ورحمة الله وبركاته وصلى اللهم وسلم على الحبيب المصطفى وعلى آله وصحبه وسلم تسليما كثيرا
حين تحدث المشاكل بين الزوجين هل انت مع تدخل الأهل ام لا؟
إذا كان نعم فمتى يكون ذلك ؟
ولماذ؟
اوإذا كان لا فلماذا أيضا ؟
أود أن أستعرض معكم دور الأهل في حل المشاكل الزوجية في مشهدين وعذرا على بعض الألفظ غير اللائقة الواردة في المشهدين ( فقط حاولوا فهم اللهجة اللهجة سهلة وفهمتها بسرعة مع أني لست خليجية )
المشهد الأول
الام : وش جابك في ذا الوقت يا بنيتي
البنت : معاد ابيه طلقوني منه
الام : وشو مسوي ذا الحمار
البنت : ما شرى لي طقم الذهب اللي طلبته منه وما جاب لي شغالة ولا غير اثاث بيتنا القديم اللي شارينه العام
الام : انا والله قايلة انه ما يحلب من التيس لبن
البنت : لا , ولا اشوفه الا في اوقات قليلة . في الصباح في العمل ويشتغل بعد العصر في اعمال اخرى
الام : هذا ابوك جاي , علميه وهو بيتصرف
الاب : وش فيك وانا ابوك علامك تبكين
الام : تعال اسمع وشوف رجل بنتك وشو مسوي ببنتك
الاب : وش علامه ذا الثور , علميني وشو مسوي
البنت : مهوب يشتري لي اللي ابغى ومخليني شغالة له انا اللي اطبخ اكله واغسل ملابسه وانظف البيت , واقول له
........غير اثاث البيت اللي شارينه العام ورافض
الاب :هالحين اروح له والعن اجداده ... معاد .....يهين بنتي
يذهب الاب وبعد قليل يعود بورقة الطلاق والبنت تقول بينها وبين نفسها : حسبي الله عليك يا ابوي
المشهد الثاني
الام : وش جابك في ذا الوقت يا بنيتي
البنت : معاد ابيه , طلقوني منه
الام : ليه يا دافع البلا
البنت بخيل واناني , اجل اطلب منه يشتري لي طقم ذهب معجبني ويرفض وأقول له جب لي شغالة تريحني .............. واقول له غير اثاث بيتنا القديم اللي شارينه العام ويسفهني ويشتغل في الصبح والعصر
الام : يصير خير يا بنيتي , بس ابسألك كم سؤال , هل تجاوبين عليها بصراحة
البنت : تفضلي
الام : زوجك يصلي ؟
البنت : ما يترك ولا فرض
الام : عاقل ؟
البنت : عقله يوزن بلد , بس بخيل
الام : خلينا من بخله , هل يتعاطى المخدرات
البنت : لا والله
الام : يحبك ؟
البنت : الظاهر من تصرفاته انه يحبني ويقول لي كلام حلو , بس بخيل
الام : قلت خلينا من بخله , كم عددكم في البيت
البنت : وش ذا السؤال يا يمه , طبعا انا اثنين
الام : يعني شغالة لشقة صغيرة ما فيها الا نفرين
البنت : اييييه مثلي مثل بنت خالي جاب لها زوجها شغالة
الام : شوفي يا بنيتي عقول الناس مختلفة وظروفهم مختلفة ورواتبهم مختلفة وقناعاتهم مختلفة فلا تطلبي من زوجك........ان يكون نسخة من فلان او علان وبعدين لو خيرتك بين زوجك اللي ما جاب لك كل اللي تطلبينه وبين زوج.......... يجيب لك كل طلباتك بس داشر وفاسق ومدمن وش بتختارين ؟
البنت : هه والله سؤال محير
الام : لا والله مهوب محير للبنت العاقلة , يا بنيتي الزوج العاقل اللي محترم زوجته ويقدرها ويخطط لبناء حياة مستقرة......... بعيدة عن البهرجة الكاذبة هو المكسب الحقيقي الذهب يروح ويجي ويغلى ويرخص والكماليات تفنى وتهرم.......... اما الزوج الصالح فللعمر كله , يا بنيتي انا وابوك ذقنا الامرين حتى كونا حياتنا اللي تربيتي فيها انت ............ واخوانك منعنا انفسنا من ملذات زائفة لنحقق ملذات دائمة ونجحنا في تكوين هذا العش الجميل اللي عشت::::::::::: انت واخوانك فيه وتنعمتم بدفئه يا بنيتي احمدي ربك على زوجك , فزوجك يبني مستقبلك ومستقبله .......... ومستقبل ابنائكما , ما شرى لك الذهب وما جاب لك شغالة و , و , و , علشان يشتري لك الاهم , بيت يضم......... اطفالكما القادمين
.......يالله ارجعي لزوجك قبل ما يدري ابوك فيعاقبك
......... وترجع البنت لزوجها ولا ندري ما الذي تقوله في نفسها لكنها أكيد جد سعيدة برد الأم
موضوع: ▒◄ هل تحبذ تدخل الأهل أم لا ؟ ►▒ 
الجمعة 25 نوفمبر 2011, 11:33 pm